Press Release

Djamars 22 di aprel – Dia di Mama Tera – a lansa e plataforma nobo www.korrrsou.com.
E sentro digital aki ta trese tur loke habitantenan i kompanianan na Kòrsou mester, pa asina kontribuí na un isla mas limpi i sostenibel.

Riba e plataforma aki, bishitantenan lo haña entre otro un guia di shushi ku informashon práktiko kon pa atendé konsientemente ku diferente tipo di shushi. For di redusí desperdisio na kas òf den bo organisashon te na reusá i separá òf deshasí di dje korektamente: e guia di desperdisio ta yuda tantu residentenan komo kompanianan stap pa stap riba e kaminda pa un komportashon mas sostenibel.

Tambe e plataforma ta duna un bista di organisashonnan i inisiativanan na Kòrsou ku ya ta aktivamente komprometé na redukshon, reuso i resiklahe di desperdisio. Tambe tin un komponente edukativo interaktivo, e ‘Learning Lab’, kaminda bishitantenan por siña mas tokante sostenibilidat, e ekonomia sirkular i aplikashonnan práktiko den bida diario na un manera aksesibel.

E lansamentu di www.korrrsou.com ta bai pareu ku un kampaña amplio di konsientisashon riba e isla. E enfoke lo ta riba videonan stimulante, un strategia di komunikashon di 360 grado, e uso di personan lokal ehemplar (e asina yamá RRRole models), eventonan den diferente bario, i kolaborashon ku – i apresio pa – stakeholdernan eksistente. Tambe a desaroyá un aktivashon dibertido spesialmente pa hobenan den kuadro di e kampaña, ku ta enfoká riba konsientisashon i ta aktivá alumnonan di skol sekundario.

Banda di esei Selikor i Ministerio di GMN lo presentá e bista klave, puntonan di akshon i siguiente pasonan pa krea balor for di shushi na Kòrsou for di e proyekto ‘Transforming Waste to Value’. Henter e proyekto ta posibel dor di finansiamentu di RESEMBID.